新相機要用人手收取資料

雖然全港衝燈相機再無「裝假狗」，駕駛人士在任何一個裝有白鴿籠的燈位衝燈，一定法網難逃，但有交通警員表示，由於相機在讀取資料方面未完善，會影響交通警日常工作。
「呢批相機最唔好嘅地方，係發展到第三代嘅數碼相機，居然唔可以用無線電收取相機內嘅資料，要用人手去收，仲有就係上頭為免記憶體爆棚，吩咐每隔兩三日就要派人去收資料，平時嘅工作肯定受影響，每次最少要兩個人做，全港百幾個，即係要成300人，雖然話政府會就實際情況增加人手，嘢就我哋做，但撥款係咪用嚟請交警都未知。」任職交警10 年的陳Sir表示。


要用USB手指下載


據悉交警抄資料方式，主要是用USB手指插入相機組件內，抄下衝燈照資料，然後帶返警署，將USB插入桌面電腦下載資料，但因警署電腦軟件運作較慢，資料下載時間甚長。
對於駕車者來說，以後衝燈只有死路一條。
陳Sir表示：「以前用菲林機嘅時代，月頭多車衝燈，用晒菲林，到月尾換菲林前，衝燈的司機可以逍遙法外，不過𠵱家冇呢支歌仔唱，警員每隔兩三日要開機抄資料，絕唔會出現記憶體爆棚，影唔到嘅情況。」

徵信社
徵信